Permet

Qyteti i vogël i Përmetit pozicionohet në anën jug- lindore të Shqipërisë, afër dy kufijve Grekë (Kakavia dhe Merzani). Ndodhet 70 km larg nga qyteti historik i Gjirokastrës, dhe 230 km larg nga kryeqyteti i Shqipërisë, Tirana. Qyteti i Përmetit shtrihet përgjatë lumit Vjose nga i cili merret emri i luginës. Lumi Vjosa përshkon gjithë rrethin për rreth 58 kilometra dhe është lumi i dytë më i madh i Shqipërisë për rezervat e tij hidrike. Bregu i lumit siguron një luginë shumë të bukur që shtrihet nga Çarshove në Qarkun e Tepelenës. Malet më të rëndësishme përreth Përmetit janë: Nëmërçkë 2485 m, Dhëmbel 2080 m dhe Trebeshina 1922 m. Një qytet i vogël, i rrethuar nga male, lumenj dhe fshat, ka shumë zgjedhje akomodimi, aktivitete, shumë taverna dhe bare , një histori te pasur dhe shumë zona që nuk duhet të humbisni per ti parë! Qyteti më i gjelbër dhe më i pastër në Shqipëri, i njohur gjithashtu si "qyteti i trëndafilave". Qyteti i vogël i Përmetit është i famshëm për muzikën e tij popullore dhe klarinetistin e njohur Laver Bariu, personalitetet e letërsisë dhe gatimin e mirë, veçanërisht ëmbëlsirat, të ashtuquajturin 'gliko'. Gjate nje vizite ne Permet do ju servirin verë të mirë dhe raki Përmeti.