Korce

Korça është një nga qendrat më të mëdha dhe më të rëndësishme kulturore dhe ekonomike të Shqipërisë, që ndodhet në pjesën juglindore të vendit.
Qyteti është i njohur për lagjet e tij tipike, i përbërë nga shtëpi të ulëta dhe vila, të cilat janë të shtruara me kalldrëm. Qyteti i Korçës ka një sërë muzeesh si Muzeu i Edukimit (ndodhet në ndërtesën ku u hap shkolla e parë shqipe në 1887), Muzeu Kombëtar i përtërirë i Artit Mesjetar (për të vizituar në mënyrë absolute), Muzeu Parahistorik, Shtëpia-Muzeu të piktorit të famshëm të peizazhit, Vangjush Mio, Muzeut të Artit Oriental "Bratko", Muzeut të Fotografisë Gjon Mili, etj. Në afërsi të qytetit është varreza e ushtarëve francezë të rënë gjatë Luftës së Parë Botërore.
Teatri Cajupi është gjithashtu një vend për të parë koncerte apo shfaqje teatrore në varësi të sezonit.
Përveç muzeve dhe monumenteve, Korça është qyteti ku organizohen karnavalet më te medha në Shqipëri, që zhvillohen para Pashkëve Ortodokse. Muzikisht, qyteti është i njohur për këngët lokale, të quajtura Serenata. Në qytet do të gjeni shumë taverna me gatime tradicionale me shije, siç janë llojet e ndryshme të byrekut të cilat ndërthurin në mënyrë perfekte me muzikën e mirë dhe pijen tradicionale, raki.
Korça është një bazë shumë e mirë për të eksploruar shumë pika turistike të vendosura në malet e afërta si Voskopoja, Dardha, Vithkuqi dhe Boboshtica. Këto fshatra janë të njohura për ofrimin e mundësisë për të praktikuar shumë sporte dhe aktivitete në natyrë. Zona është e famshme edhe për kishat bizantine ne Vithkuq dhe Voskpoje, muret e së cilës u pikturuan nga piktorë të famshëm mesjetarë shqiptarë. Pranë Korçës mund të vizitoni Liqenin e Prespës (që është Parku Kombëtar më i madh në vend), Parku Kombëtar Drenova, tuma ilire e Kamenicës, etj.